小心巴塞贏波輸盤

    巴塞在首回合領先兩球情況下，稍一鬆懈即被阿仙奴追和，令到今晚形勢上稍為拉緊。不過，今仗主場出擊，加上整體配合及侵略性踢法明顯較強，晉級四強機會極高，但考慮到有兩個作客入球在手，周六晚將要與皇馬展開西甲世紀之戰，巴塞唔需要去得太盡，更有可能贏波後留力。初盤巴塞讓到一球/球半，隨時贏波輸盤。

    兵工廠今仗的確要盡地一煲，可惜陣中傷兵唔少，踢法上無論防守或進攻亦不及對手，基本上要許勝不許和的情況下與巴塞鬥攻，都要打定輸數。巴塞今仗有佩魯爾及比基停賽，中場重心恩尼斯達及攻擊手伊巴謙莫域因傷缺陣，三線實力無疑大打折扣，但巴塞仍有足夠後備力量，尤其是上周聯賽對畢爾包，除美斯擔大旗之外，克傑、貝斯基特斯及艾錫等新秀同樣表現突出，極具大將風範。證明巴塞青訓確係與別不同，何況艾華斯、馬昆斯、基達、亨利等主力休戰一輪後，今仗必然正選，巴塞強大實力仍在。冇靈魂費比加斯，仲有艾沙雲及加拿斯等主力，阿仙奴同樣傷兵纍纍，贏狼隊都贏得咁辛苦，在魯營球場又點贏巴塞呢。

    推介：巴塞羅那勝1：0