歐聯8強次回合今晚殺到，巴塞隆拿會主場激鬥阿仙奴！首回合兩隊大打進攻足球踢成2:2，今晚魯營再戰，雖然各自有攻擊主力因傷缺陣，但係補上小將保贊同禾確特近期一樣弗到爆，有呢兩位「小雙俠」飛睇怕入波都唔會少，1.48倍入球大博得過。（有線61及64、中央5台周三凌晨2:45直播）

    睇番首回合，巴塞上半場機會極多，若果唔係「浪費機會主義者」伊巴謙莫域把握唔到機會，巴塞開個客其他都不為過。「好彩」今晚佢有傷多數唔踢得，補替佢新星保贊弗過佢多多聲，上場聯賽對畢爾包就梅開二度。雖然巴塞中場仲有恩尼斯達養傷，但兵工廠出發西班牙前都有桑治右腳骨折要抖6個禮拜，雲格可能被迫用老將蘇甘保打正選，所受影響當然比巴塞大得多。

    佩奧爾碧基停賽

    其實阿仙奴今季表現確實比前幾年有進步，一班年輕球員亦更成熟。奈何佢兵源始終唔夠，如今法比加斯、加拿斯同艾沙維齊齊停賽或受傷，作客魯營真係幾難踢。其實要阿仙奴偷雞先入波唔係話無可能，皆因首回合有士哥禾確特近況唔錯，佢速度將係一大威脅。加上巴塞中堅佩奧爾同碧基今場同時停賽，後防唔穩陣失波一唔奇。

    相信主場巴塞一定唔想夜長夢多，一開波就會拚命狂攻希望盡早奠定勝局，不過巴塞個主W得1.28倍冇肉食，既然兩隊都有機會入波不如博入球大好過。若果到時畀我烏鴉口講中，真係畀阿仙奴偷雞先入一球，大家除可以追巴塞反勝外，當然要補番個即場大，等睇進攻足球啦！

    巴塞魯營半場少失波

    ‧;近9場賽事只得1場入少於2球。
    ‧;近14仗主場賽事上半場均保不失。

    兵工廠後勁強勁

    ‧;連續9場賽事在最後10分鐘有波入。
    ‧;對上3場比賽，上半場均開出0:0。