銀河鑑隊皇家馬德里繼續季前熱身賽，今晚作客鬥比利時球會標準列治。皇馬在莫連奴執教之下，對待熱身賽比以往認真得多，如今距離西甲開鑼日子已經不遠，一班球星開始上力，面對歐洲二流球隊標準列治，客Ｗ可放心捧場。 （now 632周三凌晨1時直播）

    皇馬對上三場熱身賽取得兩勝一和，上場作客德國拜仁慕尼黑，雖然於九十分鐘之內未能攻破對手大門，但正如教練莫連奴賽後所講，皇馬較拜仁遲開操，體力及狀態均有所不及，皇馬能保持不失、兼憑互射十二碼擊敗對手，表現已經有交代。

    莫連奴賽前透露未必派C朗踢正選，前線由希古恩、賓施馬同格尼路攻堅，新兵卡維奴上仗鬥拜仁有份上陣，表現不過不失，可惜另一名中堅加雷重創，至少休息兩個月，加上馬些路亦有輕傷，後防人手捉襟見肘，但為求盡快操起狀態，相信唔會揸流攤。

    標準列治級數輸晒

    標準列治雖為前季比甲盟主，但上季參加歐聯分組賽只能排小組第三，拍埋皇馬度根本未夠班，而且佢哋今季踢咗三場比甲，兩次主場出戰都未能贏波，狀態亦唔算好，要在皇馬身上偷雞唔容易。