日職周中開快車，排第二的清水心跳作客新潟天鵝，兩軍上周同被結束不敗走勢。心跳聯賽作客仍然不敗，但勝出率唔算高，今晚硬撼天鵝唔易踢，有分落袋都偷笑，作客讓波絕對信唔過，必捧「讓球主勝」。 （now 633周二晚6時直播）

    清水心跳上輪主場不敵橫濱水手，守將岩下敬輔更領紅被逐，今場要坐波監，近期大軍後防好多甩漏，今次防線仲唔齊腳，好易出事。心跳輸波後跌落第二，佢哋聯賽作客八戰三勝五和不敗，計番勝出率不足四成，唔算特別叻，要讓波唔抵玩。

    飛腳箭頭弗夠劏鹿角

    天鵝唔怕同人鬥攻，至驚對手龜縮，上場就畀山形山神悶死。天鵝有死球王馬斯奧李察士，好有威脅，加上主場表現特佳，聯賽主場八戰只輸一場，不敗率極高。天鵝首循環作客心跳贏埋，今次有力坐和望贏。

    另一場推介大阪飛腳主場對鹿島鹿角，鹿角王牌前鋒馬昆奴斯養傷，前面得番小將大迫勇也拍住興梠慎三，興梠雖然連續兩場有士哥，但級數始終同馬昆奴斯差一截。飛腳右閘加地亮停賽，射手盧卡斯施維連奴養傷，但箭頭平井將生弗爆，小讓平半可秤先