新巴西國家隊重振森巴足球聲威，感染到安高都做埋巴西Fans，今晚堆巴甲波小弟梗唔會錯過啦！聖保羅主場對高士路場波戲碼最強，安哥知道聖保羅家陣面臨重組過渡期，好多嘢都要重新適應，根本讓唔起高士路，我要1.8倍「讓球客勝」。

    聖保羅月頭喺自由盃4強出局，會方炒咗教練列卡度高美斯，中場主將靴蘭尼斯亦轉投拉素，新帥沙治奧巴里斯肩負幫聖保羅重拾光輝嘅重任，講就易啫，睇怕佢都要一段時間先摸熟到隊波。

    高士路近6場巴甲只輸過1場，表現穩打穩紮。最重要係中堅基爾施華同主力射手堤亞高列比路齊齊刑滿復出，安哥睇好高士路可以保不敗