今晚繼續有歐聯外圍賽，有朋友成日問會唔會有蠱惑波，其實呢個問題都幾多餘，話晒入到分組賽嘅獎金講緊過千萬鎊，到時每個球員都大把錢分，仲使乜搞咁多無謂嘢呢，倒不如疊埋心水幫球隊爭出線好過啦！

    近年歐聯愈來愈受歡迎，投注額不斷上升，直頭拍得住英超，連外圍賽都有得播，主辦單位真係賺到盆滿缽滿。為咗保住隻金蛋，有關方面已經大大加強監察力度，有心人仲點敢老虎頭上釘蝨乸吖，再加上全世界咁多觀眾睇住，就算想搵食都行遠啲啦。

    講番今晚推介，塞爾維亞勁旅柏迪遜主場惡，唔怕安德列治！安德列治名氣較大，初盤有行家開出客隊讓平半盤，但係好快已經畀人狂插下盤，依家基本上全世界都做緊平手盤，柏迪遜喺主場唔係人咁品，平手盤必捧！ （有線62台周四凌晨2時45分直播）

    西維爾讓唔起布拉加

    另外，西維爾喺西班牙超級盃臨場獲大戶追捧，結果飛到波到贏波。不過，要謹記巴塞個陣天殘地缺，呢場賽績參考價值唔大，千祈唔好影響判斷，今晚佢哋作客好難打。布拉加上圈曾於主場大炒些路迪，賽績犀利，主場受讓平半好着數，下盤捧得過！