今晚英格兰足总杯第四圈继续有好戏码，阿仙奴主场对阿士东维拉。阿仙奴射手尹佩斯脚风超顺，今季入波停不了，加埋脚头甚好嘅亨利回巢，阿仙奴今仗必尽情骚哥利，而阿士东维拉堪称“兵工厂”克星，近年作客酋长球场例有惊喜，预料今仗会有唔少入球出现，乐比仔推介大盘。（now 670及672周一凌晨零时直播）

阿仙奴联赛连输两场后，连一向德高望重嘅领队云格都被自己球迷柴台，虽然本土杯赛一向唔系佢杯茶，但从近季所见，云格已开始向现实低头，经常派强阵出战，希望可以喺杯赛争取表现，弥补联赛嘅失利，相信今仗对维拉都唔会放软手脚，禾确特及尹佩斯等主力都会落场孭飞。

维拉作客酋长醒神

其实阿仙奴今季嘅前线球员都算交足货，好似尹佩斯咁近两仗都有波入，联赛已射入十九球喺射手榜领先，可惜防线甩漏甚多，而且多名主力如基兰基比斯、沙格拿、安德里山度士都有伤，所以要捧主胜嘅话，宁愿捧大好过！

阿士东维拉近期作客表现甚佳，已经连赢三场，而近五仗则四胜一和，值得留意佢哋系英超球队之中，作客酋长球场成绩最好嘅一队，近三次去到阿仙奴地头赢咗两次，而且经常有波入，随着罗比坚尼加盟，维拉进攻更多瓣数，今场捧大盘啱数！