上场技术性KO班霸拜仁嘅慕逊加柏，今晚会乘勇作客狙击史特加，不过史特加近日签入波斯尼亚射手伊比斯域，两军肯定埋牙驳火，1.95倍“入球大”抵玩！（有线61、64、201及204周一凌晨0:30直播）

伊比斯域 夏历拍住上

史特加联赛3连败，为咗止住颓势，球队终于大破悭囊，掟500万欧元罗致伊比斯域，呢位踢过116场德甲射入49球嘅老牌前锋，有望即时提升史特加锋力，有佢同夏历呢啲星级前锋拍住上，入波唔难。

作客嘅慕逊更加唔使讲，处于争标行列嘅佢哋冇可能会满足于1分，今场一定会全力抢攻，马高列奥斯同靴尔文等超新星为保国家队席位，一直保持超水准表现，呢两位新人王今季加埋喺德甲入咗16球，史特加防线都几难顶得住，“入球大”冇走鸡。

顶占笋盘：史特加（入球大）