冬季转会窗仲有两三日就闩，如果全心争标或者争下届欧洲赛入场券嘅球队，为求达标都会买人增强实力，但如果一啲中、小型球会喺转会市场都肯扫货，证明佢哋都有野心，值得优先跟进。

想讲系今晚会喺意甲主场迎战拿玻里嘅热拿亚，赛前喺意甲排第10，比上不足比下有余，意杯又一早出局，照计今季真系差唔多喇。但势估唔到财力唔大嘅热拿亚喺今个月，用成800万欧元买入基拿甸奴，摆明仲想继续搏！

热拿亚其实仲有保斯高赞高域等猛人，加埋基拿甸奴可谓如虎添翼。对家拿玻里个会长季初话明入前5都收货，加上又啱啱杀入意杯4强，迟吓又要踢欧联，边度兼顾得咁多？今晚作客仲要让平半点都唔抵，想食大茶饭就直取3.15倍主W。（now633及660台周日晚10:00直播）