香港时间周二凌晨西甲独脚戏，奥沙辛拿主场对马德里体育会，马体会自从由施蒙尼执教后，成队波脱胎换骨，最近两仗分别大胜维拉利尔及皇家苏斯达，可谓尽显霸气，今仗作客态沉嘅奥沙辛拿有力延续气势，马体会让平半，加辉捧上盘！
周二凌晨4时开赛）

马体会上半季表现令人失望，董事局终于忍无可忍，辞退文沙奴，由前阿根廷国脚、执教过学生队、河床及卡坦尼亚等球队嘅施蒙尼接手，施蒙尼上任后可以话得心应手，领军三仗取得两胜一和佳绩，而且近两仗都赢得相当清脆，睇个势马体会仲有排赢，值得再跟进！

奥沙歇冬后未赢过

加辉认为施蒙尼最成功嘅地方，就系先稳固防线，须知马体会一向不乏攻击好手，好似哥伦比亚射手法卡奥咁，今季已入咗十四球，但防线演出却令人诟病，依家施蒙尼上任后大力改革，令球队三场波一球都冇失，仲射入咗七球，今仗作客奥沙辛拿相信可继续抢分。

奥沙辛拿歇冬后五战未赢过，可用攻不锐守不稳嚟形容，表现令人失望，班波咁冇态，对住新官上任三把火嘅马体会，睇怕都冇运行