今晚西甲上演独脚戏，由奥沙辛拿主场恭候马德里体育会，斋睇牌面同近况梗系马体会秤先啦！不过佢哋今仗阵容不整，教练施蒙尼亦未完成组军，想喺奥沙辛拿身上攞着数唔容易，仲要让波就更加捧唔过，奥沙辛拿受让平半宁博下盘。（开赛时间：周二凌晨4:00）

施蒙尼埋怨增兵频碰壁

自从施蒙尼接掌马体会之后，呢支首都球队已经喺西甲录得2胜1和佳绩，表现可谓脱胎换骨。之但系施蒙尼前日就同传媒大吐苦水，话斟介球员处处碰壁，距离转会限期嘅时间又唔太充足，好担心签唔切人，明显仲未满意现有阵容。除此之外，一对中场主将基比同迪亚高今晚要齐齐坐波监，法卡奥霎时间冇晒供应，都咪话唔湿滞。

虽然主队奥沙辛拿近6场波未赢过，但上仗就逼和华伦西亚1:1，早排西杯对住巴塞亦只系仅输1:2，老实讲算系有晒交代啦！睇番今季战绩，奥沙辛拿响西甲主场10战只系输过1场，硬净成咁，横睇掂睇马体会都唔似会让得起