巴甲劲旅法林明高近排立立乱，主帅卢森保高同朗拿甸奴反晒面，佢哋喺自由杯外围赛首回合作客玻利维亚皇家普托斯输1:2，次回合唔易翻身！法林明高“-2”，我捧2.35倍“让球客胜”。（开赛时间：周四早上8:00）

计牌面，巴甲前列分子法林明高对住玻利维亚球队，点会唔够砌吖，首回合输波，个个都认为系同皇家普托斯主场系喺4,000米超高海拔有关，力奇认同，但法林最大嘅问题，其实系班波内讧至真。

事实上，日前就再有消息传出，卢森保高同朗拿甸奴嘅斗争，球会董事局已经决定撑细哨，预计好快就踢走前巴西国家队主帅卢森保高。至于话细哨虽然系赢家，但佢畀球会拖粮一事，又系仲未找清条数。

冇错，法林明高啱啱由莫斯科中央陆军签入星级前锋路夫，不过呢位回流球星仲未够状态落场，单靠原有阵容加埋不稳军心，想赢挟住3连胜而临、一心谂住守死法林明高晋级嘅皇家普托斯，你估讲咁易咩！