今晚意甲榜尾嘅路华拿迎战基尔禾，平手盘小妹决定捧1.93倍客W，全因主队情况同意大利嘅天气一模一样，简直系落住大风雪，全季联赛仅得两胜之余仲要撞正主力射手膝伤抖几周，想唔输都几难！（开赛时间：周五凌晨3:45）

路华拿深陷降班危机之中，意甲赛季过咗一半都只系赢过2场，颓到你唔信！虽然球会急急脚换上新帅蒙度历高，不过小妹对呢位教头有所保留，佢执教多间意甲球会往往短短1、2季就被炒，今次仲讲明：“我唔系神，唔使旨意会有奇迹！”又点期望主队今场能够反底？

前锋森本贵幸打柴

路华拿近5仗先入得2球，本身已经哑火，连唯一识入波嘅前锋森本贵幸都因膝伤要抖几周，加上佢哋条全意甲“最豆腐”防线场均失2球，小妹真系对佢哋完全冇信心。

另边厢嘅基尔禾上仗虽然畀拉素炒3蛋，不过表现尚算可人，只系顶唔住神勇嘅高路斯，今次造访冇牙老虎路华拿，绝对有力全取3分。