南美自由杯外围赛次回合听朝上演，当中首回合落后4球、嚟自委内瑞拉嘅卡拉卡斯，老实讲出线机会真系好微，不过话晒主场处于高原地带，绝对有力砌底乌拉圭球队彭拿路挽回面子，受让一球可捧1.46倍“让球主胜”！（开赛时间：周五早上7:30）

彭拿路战意麻麻

卡拉卡斯首回合作客彭拿路输0:4，睇战果形势似乎一面倒，实情一开波反客为主，一度有机会领先彭拿路，可惜欠运12码宴客，先搞到兵败如山倒。虽然卡拉卡斯今场有后卫费度皮里斯停赛，但话晒主场喺海拔2,953英呎，班球员点都希望赢番仗争番口气，就算出局都冇咁难睇；5届冠军彭拿路首回合有4球喺手，今仗唔输多过3球都出线，战意一般根本唔抵捧！