本周焦点，梗系财爷任内最后一份财政预算案啦！除关注改善民生嘅措施外，我仲发现曾司长嘅估价能力，真系“有断估，冇痛苦”㗎。佢在任四年，每年都估错数，不过庆幸年年都系估蚀实赚！我等升斗市民，见世界唔少强国都“五行欠水”，惟愿香港库房“年年有余”，政府又够远见，咁就最好不过。今日澳职最紧要唔好学佢估错晒，阿德莱德联主场对威灵顿凤凰，推介细。（有线64及204台周五下午5时直播）

中岸水手财政堪忧

欧洲国家面对财困，球会经济拮据风气亦蔓延至澳职，听讲中岸水手问题好严重，就睇吓下半季佢哋表现同成绩会唔会因为咁而走样啦。

讲到成绩走样，又要重提前排正值小阳春嘅阿德莱德联。近来佢哋又再打回原形，连续五场不胜之余，上场更大败喺珀斯光辉脚下，前锋迪捷特门前频频失机系输波关键，今日面对三连胜嘅威灵顿凤凰，首选推介入球细。除因为阿德莱德联攻力弱之外，最关键系凤凰作客唔多识入波，好似上两场客胜都赢一比○完场，所以今场细盘绝对系信心之选。

推介：阿德莱德联 Vs 威灵顿凤凰 入球：细